ពិតដែរឬទេ? នី រតនា ថា ហុងស៊ុយឡើងតាមគូដណ្តឹងក្មេងរបស់ខ្លួន…!

502

(ភ្នំពេញ)៖ លោក នី រតនា ត្រូវបានគេមើលឃើញថា អ្នកចម្រៀងមកពីខេត្តកំពង់ធំ នេះ លែងមានសន្ទុះទៅមុខទៀតហើយ ក្រោយពីរូបគេច្រៀងទើបល្បីបាន១បទ ក៏តក់ក្រហល់ ក្នុងការស្តីដណ្តឹងប្រពន្ធយ៉ាងអន្ទះសានោះ។ តែដំណឹងនេះត្រូវបាននី រតនា ច្រានចោលដោយតារាចម្រៀងដែលមានឈ្មោះដើមថា នីម៉ាប់ នេះ បានលើកសរសើរពីភរិយាក្មេងរបស់ខ្លួនថា តាំងពីរូបគេបានភ្ជាប់ពាក្យមករាសីកាន់តែឡើងក្រឺតៗ ហើយធ្វើកិច្ចការអ្វីគ្រប់បែបយ៉ាងទាំងអស់ បានសម្រេចដូចបំណងទាំងអស់។

នី រតនា និយាយការពារអនាគតប្រពន្ធថា “អូ! ខ្ញុំធ្លាប់តែគេថា ខ្ញុំមានរាសីឡើងដោយសារគេដឹងថា គូដណ្តឹងខ្ញុំមានមុខរបរត្រឹមត្រូវ យើងលក់ផលិតផលរក្សាសម្រស់។ ចំណែកប៉ាក្មេកខ្ញុំគាត់មានវិទ្យុនៅច្រើនខេត្ត-ក្រុងអ៊ីចឹង ដំណើរដោយរលូនគ្មានអ្វីត្រូវបារម្ភច្រើននោះ ទេ”។

គួរបញ្ជាក់ផងដែរថាក្រោយពី នី រតនា បានភ្ជាប់ពាក្យហើយយើងសង្កេតឃើញថាគូស្នេហ៍មួយគូនេះតែងតែធ្វើការ Live វីដេអូបង្ហាញភាពផ្អែមល្ហែមរបស់ពួកគេបង្អួតហ្វេនៗនៅបណ្តាញសង្គមហ្វេសប៊ុកស្ទើរតែគ្រប់ពេល ។