ប៉ុន្មានចំណុចនេះដែលគួរតែយកចិត្តទុកដាក់នឹង​ជីវិត​ស្នេហា​របស់អ្នក​

195

តើរាល់ថ្ងៃលោកអ្នកកំពុងតែផ្តោតទៅលើរឿងអ្វីខ្លាំងជាងគេ? ការ​វិនិយោគ​ថាមពល​ច្រើន​លើ​ពាណិជ្ជកម្ម​របស់​លោកអ្នក​ក្នុង​ពេល​ដែល​ព្រងើយកន្តើយ​ចំពោះ​ទំនាក់ទំនង​ស្នេហា​ជា​ការបំផ្លាញ​ឱកាស​ពាណិជ្ជកម្ម​ដើម្បី​ទទួល​បាន​ជោគជ័យ​។ លោកអ្នក​ប្រហែល​អះអាង​ថា​ជីវិត​ក្នុង​ដំណើរ​បង្កើត​ពាណិជ្ជកម្ម​ថ្មី​មិន​ងាយស្រួល​ទេ​។ វិនិយោគិន​របស់​លោកអ្នក​មិន​សប្បាយចិត្ត​ចំពោះ​រឿង​ដែល​មិនសូវ​សំខាន់​ លោកអ្នក​ត្រូវតែ​គិត​រឿង​ចំណាយ​រាល់​ខែ​ ហើយ​ពេលខ្លះ​លោកអ្នក​ត្រូវ​ដោះស្រាយ​រឿង​ពន្យា​ពេល​ជាច្រើន​ទៀត​។ បញ្ហា​ទាំងអស់​នេះ​នាំ​លោកអ្នក​ទៅ​រក​លទ្ធផល​មួយ​គឺ​សម្ពាធ​អារម្មណ៍​។ នេះ​ហើយ​ជាហេតុ​ផល​ដែល​លោកអ្នក​គួរតែ​វិនិយោគ​ថាមពល​និង​ពេល​ច្រើន​ក្នុង​ទំនាក់ទំនង​។

បើ​មិនបាន​ពិនិត្យ​ឱ្យ​ដិតដល់​ទេ​ សម្ពាធ​អារម្មណ៍​នៅកន្លែង​ធ្វើការ​អាច​នឹង​ធ្វើ​ឱ្យ​រង្គោះរង្គើ​គ្រឹះ​ពាណិជ្ជកម្ម​ទាំងមូល​បាន​។ សម្ពាធ​អារម្មណ៍​ដែល​កើនឡើង​ដល់កម្រិត​ខ្ពស់​អាច​កាត់បន្ថយ​ការ​ផ្តោត​ចិត្ត​ និង​ការ​ចង់​ចាំ​រហូតដល់២៥​%។ សមត្ថភាព​ដោះស្រាយ​បញ្ហា​របស់​លោកអ្នក​ក៏​ធ្លាក់ចុះ​ ហើយ​សមត្ថភាព​គិត​ច្នៃប្រឌិត​របស់​លោកអ្នក​ក៏​ជួប​បញ្ហា​ដែរ​។

លោកអ្នក​បារម្ភ​ចំពោះ​ទស្សនវិស័យ​ជា​រួម​នៃ​ក្រុមហ៊ុន​របស់​លោកអ្នក​។ លោកអ្នក​ត្រូវ​ប្រជែង​ជម្នះ​នឹង​ភាព​មិន​ច្បាស់លាស់​នៃ​ផលិតផល​ សមត្ថភាព​ ការគ្រប់គ្រង​ និង​ជំនាញ​ក្នុង​ភាពជា​អ្នកដឹកនាំ​របស់​លោកអ្នក​ គឺ​ផ្តោត​ទាំងស្រុង​តែ​លើ​ពាណិជ្ជកម្ម​។

នៅពេល​ក្តី​បារម្ភ​និង​រឿង​ខ្វាយខ្វល់​ទាំងអស់​នេះ​កើត​ឡើង​ស្ងាត់​ៗ វា​នឹង​លុបបំបាត់​ទំនុកចិត្ត​របស់​លោកអ្នក​បន្តិច​ម្តង​ៗ។ ដូច្នេះតើ​ទំនាក់ទំនង​អាច​ជួយ​លោ​គអ្នកប្រយុទ្ធ​នឹង​សម្ពាធ​អារម្មណ៍​ទាំង​អស​នេះ​ និង​នាំ​លោកអ្នក​ទៅ​រក​ពាណិជ្ជកម្ម​ជោគជ័យ​ដោយ​របៀបណា​? ពិត​ណាស់​ថា​ទំនាក់ទំនង​របស់​លោកអ្នក​មានតម្លៃ​លើស​ពី​ឧបករណ៍​ដើម្បី​ទាក់ទាញ​ជោគជ័យ​និង​ទ្រព្យសម្បត្តិ​កាន់តែ​ច្រើន​ចូល​មក​ក្នុង​ជីវិត​របស់​លោកអ្នក​។ ប៉ុន្តែ​ហេតុអ្វី​បាន​មិន​ប្រើប្រាស់​ទំនាក់ទំនង​នោះ​ជា​គ្រឿងផ្សំ​បន្ថែម​សម្រាប់​រុញច្រាន​ពាណិជ្ជកម្ម​របស់​លោកអ្នក​?

សន្និដ្ឋាន​ថា​លោកអ្នក​ជ្រើសរើស​ដៃគូ​ជីវិត​ម្នាក់​ដោយសារតែ​លោកអ្នក​គោរព​និង​ឱ្យ​តម្លៃ​ចំពោះ​ទស្សនៈ​របស់​គេ​។ លោកអ្នក​ស្រឡាញ់​ការវាយតម្លៃ​របស់​គេ​ចំពោះ​ពិភពលោក​នេះ​ ហើយ​លោកអ្នក​ចង់​ឮអ្វី​ៗដែលគេ​និយាយ​អំពី​ប្រធានបទ​សំ​ខាន់​ៗ។ ដូច្នេះហើយ​ ហេតុអ្វីបានជា​លោកអ្នក​ខ្លាច​មិន​ឱ្យ​គេ​ចូល​មក​ពិភាក្សា​រឿង​ពាណិជ្ជកម្ម​របស់​លោកអ្នក​?

ដៃគូ​ដែល​មានគំនិត​ច្រើន​អាច​ផ្តល់​យោ​បល់​ផ្សេង​ៗក្នុង​ពិភព​ពាណិជ្ជកម្ម​។ បើ​ទោះជា​គេ​គ្មានកម្រិត​យល់ដឹង​ក្នុង​កិច្ចការ​ដែល​លោកអ្នក​ធ្វើ​ ក៏​គេ​នៅតែ​ជា​មនុស្ស​សំខាន់​ដើម្បី​ជួយ​ឆ្លុះបញ្ចាំង​ជ្រុង​ផ្សេង​ៗនៃ​គំនិត​ដែរ​។ គេ​ប្រហែល​មាន​យោបល់​ល្អ​ចំពោះ​គំនិត​ខ្លះ​ដែល​លោកអ្នក​មើល​រំលង​។ ទីបំផុត​ទៅ​ បើ​មិនបាន​អ្វី​សោះ​ ការ​មាន​មនុស្ស​សំខាន់​ម្នាក់​គាំទ្រ​គំនិត​របស់​លោកអ្នក​ក៏​ជា​រឿង​ដែល​អាច​ធ្វើ​ឱ្យ​មាន​ភាព​ខុសគ្នា​ដែរ​។

តើ​លោកអ្នក​អាច​រៀបចំ​កំណត់​អាទិភាព​ដូចម្តេច​ខ្លះ​ចំពោះ​ទំនាក់ទំនង​របស់​លោកអ្នក​? ការ​មាន​ផែនការ​ច្បាស់លាស់​នឹង​ជួយ​ធ្វើ​ឱ្យ​ពាណិជ្ជកម្ម​របស់​លោកអ្នក​រីកចម្រើន​ ទោះបី​នៅពេល​លោកអ្នក​មាន​អារម្មណ៍​ថា​ខ្លួនឯង​កំពុងតែ​លិចលង់​ក៏ដោយ​។ ដៃគូ​របស់​លោកអ្នក​នឹង​ចាំ​រំឭក​ប្រាប់​ថា​លោកអ្នក​ជា​មនុស្ស​សំខាន់​សម្រាប់​ការងារ​ដែល​លោកអ្នក​ធ្វើ​។ដូច្នេះហើយ​ តើមាន​មធ្យោបាយ​ល្អ​អ្វីខ្លះ​ដើម្បី​ភ្ជាប់​ទំនាក់ទំនង​កាន់តែ​មានប្រយោជន៍​ជាមួយនឹង​ដៃគូ​របស់​លោកអ្នក​?

១/ ប្រាប់​អំពី​បញ្ហា ​លោកអ្នក​ប្រហែល​មិនទាន់​អាច​ដោះស្រាយ​បញ្ហា​បា​នភ្លាមៗ​ទេ​ ប៉ុន្តែ​ការ​និយាយ​រៀបរាប់​អំពី​បញ្ហា​ប្រាប់​នរណា​ម្នាក់​អាច​នឹង​នាំ​លោកអ្នក​ទៅ​រក​គំនិត​ថ្មី​ដែល​លោ​គអ្នក​មិនធ្លាប់​គិតឃើញ​។ លោកអ្នក​អាច​នឹង​ទទួល​បាន​ប្រយោជន៍​ច្រើន​ពី​ការកំណត់​ពេលវេលា​ណាមួយ​ដើម្បី​និយាយ​រឿង​ទាំងអស់​ក្នុងចិត្ត​។ នេះ​ជា​ពេល​ដែល​លោកអ្នក​អាច​ប្រាប់​មនុស្ស​ដែល​លោកអ្នក​ទុកចិត្ត​បំផុត​ថា​លោកអ្នក​កំពុងតែ​ស្ថិតនៅ​កន្លែងណា​។

២/ កុំ​និយាយ​អ្វី​ទាំងអស់ ​ពេលខ្លះ​មធ្យោបាយ​ល្អ​បំផុត​ដើម្បី​បណ្តោយ​បញ្ហា​ឱ្យទៅ​តាមដំណើរ​របស់​វា​គឺ​មិន​ចាំបាច់​គិត​អ្វី​ទាំងអស់​។ បើ​លោកអ្នក​ជា​ប្រភេទ​មនុស្ស​ដែល​និយាយ​អំពី​រឿង​ការងារ​គ្រប់ពេល​ លោកអ្នក​គួរតែ​កំណត់ពេល​ខ្លះ​សម្រាប់​និយាយ​តែ​ជាមួយ​ដៃគូ​ដោយ​មិន​រំឭក​អ្វី​សោះ​អំពី​ការងារ​។ ផ្តោត​ចិត្ត​និង​អារម្មណ៍​ទាំងអស់​លើ​ទំនាក់ទំនង​បច្ចុប្បន្ន​ និង​រៀបចំផែនការ​សម្រាប់​ធ្វើ​រឿង​សប្បាយ​ៗតែ​ពីរ​នាក់​ ដើម្បី​បណ្តោយ​ឱ្យ​ពេលវេលា​នោះ​បំភ្លេច​រឿងរ៉ាវ​ដែល​មាន​ទម្ងន់​ក្នុងចិត្ត​របស់​លោកអ្នក​។ មិន​ត្រឹមតែ​ពាណិជ្ជកម្ម​ប៉ុណ្ណោះទេ​ ប៉ុន្តែ​សុខភាព​ផ្លូវ​អារម្មណ៍​របស់​លោកអ្នក​ក៏​រីកចម្រើន​ដែរ​ បើ​លោកអ្នក​យកចិត្ត​ទុកដាក់​បាន​ត្រឹមត្រូវ​និង​ផ្តល់​ថាមពល​ដល់​ទំនាក់ទំនង​ស្នេហា​។