ជីវីតនៅលីវ ធ្វើឲ្យអ្នកកាន់តែក្លាហាននឹងកាន់តែរឹងមាំ

73

យើងម្នាក់ៗរីករាយនឹងការមានទំនាក់ទំនងស្នេហា ព្រោះវាពិតជាផ្អែមស្អិតបេះមិនចេញហើយជ្រាបពេញបេះដូង។ តែមនុស្សជាច្រើនក៏កើតទុក្ខដោយសារស្នេហាដែរ អញ្ចឹងការនៅលីវគ្មានគូរនែបនិត្យ មិនមែនជារឿងអាក្រក់ឯណា។ ការពិតជីវិតនៅលីវ ធ្វើឲ្យយើងរស់នៅកាន់តែរីករាយ គ្មានការឈឺចាប់ដោយសារស្នេហាប្រេះឆាឡើយ។

ពេលនេះអ្នកប្រហែលសម្រចចិត្តនៅលីវ ដើម្បីទទួលបានឯករាជ្យក្នុងជីវិត ឬក៏អ្នកកំពុងតែចង់បែកពីសង្សារឬយ៉ាងណានោះទេ តែអ្វីដែលសំខាន់ត្រូវចាំថាមិនមែនទាល់តែមានគូ ឬមានប្តីឬប្រពន្ធ ទើបជីវិតអ្នកពេញបូរិបូរណ៌នោះទេ។ អ្នកខ្លះប្រហែលជាយល់ច្រឡំថា “តើពួកគេមានបញ្ហាអ្វីមិនល្អ ទើបមិនមានដៃគូស្នេហានឹងគេ?” បើសិនជាអ្នកគិតដូច្នេះមែន អ្នកគឺគិតខុសហើយ។ មែនហើយ! អ្នកនៅលីវ អាចមើលទៅឯកោ, គួរឲ្យភ័យខ្លាច, មិនពេញលេញ ឬគួរឲ្យធុញទ្រាន់ ប៉ុន្តែវាមិនត្រឹមត្រូវទេ។

១– ជីវិតនៅលីវអាចជួយឲ្យអ្នកដឹងថាអ្នកជានរណា៖ ប្រសិនបើអ្នកមិនអាចជាខ្លួនឯងបាន វាអាចជារឿងមួយដែលអ្នកមិនអាចធ្វើជាខ្លួនអ្នកបាននៅពេលនៅជាមួយនឹងនរណាម្នាក់ផ្សេងទៀត។ និយាយថាប្រសិនបើអ្នកកំពុងតែមានទំនាក់ទំនងក្នុងពេលឥឡូវនេះ អ្នកប្រហែលជាចង់បែកបាក់ពីស្នេហានេះផង ព្រោះជីវិតនៅលីវម្នាក់ឯងអាចជារឿងមួយដែលមានសុខភាពល្អពិតដែលអ្នកត្រូវធ្វើ។ ភាពនៅលីវ អាចផ្ដល់ឲ្យអ្នកនូវពេលទំនេរបន្ថែមទៀតដើម្បីស្វែងរកគំនិតរបស់អ្នកផ្ទាល់, អារម្មណ៍, ផលប្រយោជន៍និងផ្នែកនៃជីវិតរបស់អ្នកដែលអ្នកអាចនឹងមើលរំលង ពេលដែលអ្នកមានដៃគូ (និងប្រហែលជាសូម្បីតែមើលកម្មវិធីទូរទស្សន៍ដែលអ្នកបានចង់មើលផងដែរ!)។

២– ភាពនៅលីវអាចជួយអ្នកបានរៀនពីការកំណត់ព្រំដែន៖ ការចេះកំណត់ព្រំដែននៃជីវិតគឺជាគន្លឹះក្នុងការក្លាយជាមនុស្សម្នាក់ដែលមានសុខភាពល្អ។ អ្នកអាចដឹងថាព្រំដែនកំរិតណាដែលអ្នកត្រូវការដើម្បីទទួលបានការមើលថែពីអ្នកណាម្នាក់។ រកមើលអ្វីដែលអ្នកមានផាសុខភាពជាមួដោយអ្នកអាចគន់មើលថាបើអ្នកនៅលីវ និងមានដៃគូ តើមួយណាដែលអ្នកមានអារម្មណ៍រីករាយជាង។ 

– នៅម្នាក់ឯងមិនមែនមានន័យថាឯកោនោះទេ៖ អ្នកអាចមានប្រព័ន្ធគាំទ្រមួយរឹងមាំបង្កើតឡើងដោយក្រុមមនុស្សគ្រប់ភេទ ព្រោះវាអាចជួយអ្នកគ្រប់ដំណាក់កាលនៃជីវិតរបស់អ្នក។ សមាជិកនៃបណ្តាញគ្រាំទ្ររបស់អ្នក មានរួមបញ្ចូលសមាជិកក្រុមគ្រួសាររបស់អ្នក មិត្តភ័ក្ត មិត្តរួមការងារ, អ្នកណែនាំ ឬនរណាម្នាក់ផ្សេងទៀតដែលអ្នកជឿទុកចិត្តនិងរីករាយក្នុងការចំណាយពេលវេលាជាមួយនឹងពួកគេ។ វាអាចជាការងាយស្រួលក្នុងការបង្កើតប្រព័ន្ធនៃការគាំទ្រនេះ នៅពេលដែលអ្នកមិនមានទំនាក់ទំនងស្នេហា ព្រោះពេលណាដែលអ្នកមានដៃគូ វាអាចមានអារម្មណ៍ថាអ្នកហាក់បីដូចជាគ្មានពេលវេលាសម្រាប់នរណាម្នាក់ផ្សេងទៀតនោះទេ។

– នៅម្នាក់ឯងបង្រៀនឲ្យអ្នកចេះមើលថែនិងមានជំនឿទុកចិត្តលើខ្លួនអ្នក៖ ការរៀនចេះដឹងពីរបៀបក្នុងការថែរក្សានិងការឲ្យតម្លៃខ្លួនឯង គឺមានសារៈសំខាន់ខ្លាំងណាស់, ហើយវាមិនមែនជាការគួរឲ្យខ្លាចទេ!។ អ្នកអាចរៀនសូត្រឲ្យចេះមានអារម្មណ៍ត្រជាក់។ ការមានអារម្មណ៍ល្អសំរាប់ផ្ទាល់ខ្លួនរបស់អ្នក គឺជាជំនាញមួយដែលមានសារៈប្រយោជន៍មិនថាអ្នកស្ថិតនៅក្នុងទំនាក់ទំនង ឬនៅលីវនោះឡើយ។ គ្មានអ្នកណាម្នាក់អាចស្រឡាញ់ខ្លួនអ្នក ដូចដែលអ្នកស្រលាញ់ខ្លួនអ្នកនោះទេ ព្រោះអ្នកតែងតែមានសេចក្តីស្រឡាញ់ដែលត្រូវបានគ្រប់គ្រាន់។ វាជាការលំបាកក្នុងការជឿទុកចិត្តលើមនុស្សផ្សេងទៀត៕